Initiatives സാന്ത്വനം അന്നദാന പദ്ധതി

കൊല്ലം ജില്ലയിലെ വിദൂരഗ്രാമമായ ഐവർകാലയിൽ മാനസിക വെല്ലുവിളി നേരിടുന്ന പുരുഷൻമാരുടെയും അനാഥത്വം പേറുന്ന വൃദ്ധന്മാരുടെയും അഭയസ്ഥാനമായി 2006 മുതൽ പ്രവർത്തിച്ചുവരുന്ന സ്ഥാപനമായ സാന്ത്വനം സേവാകേന്ദ്രം അവശത അനുഭവിക്കുന്ന പ്രദേശവാസികളുടെയും സമീപ ഗ്രാമവാസികളുടെയും അതിജീവനത്തിനായി വിവിധ സേവനപ്രവർത്തനങ്ങളിലും ഏർപ്പെട്ടുവരുന്നു .ഇതിന്റെ ഭാഗമായി ഈ ഗ്രാമത്തിൽ സ്ഥിതി ചെയ്യുന്ന മണ്പിള്ളഴികത്തു ഗവ .ആയുർവേദ ആശുപത്രി ഇൻപേഷ്യന്റ്ആയി ചികിത്സയിൽ കഴിയുന്ന രോഗികൾക്ക് പരിമിതമായി തുടങ്ങിവച്ച അന്നദാന പദ്ധതി കിടത്തിചികിത്സയിലുള്ള എല്ലാ രോഗികൾക്കുമായി വിപുലീകരിക്കുകയും തുടർന്ന് നടത്തികൊണ്ടുപോകുവാനും തീരുമാനിക്കുകയുണ്ടായി.പ്രസ്തുത സാന്ത്വനം അന്നദാന പദ്ധതിയുടെ ഔപചാരികമായ ഉദ്‌ഘാടനം ഫെബ്രുവരി 13 തിയതി ശിവരാത്രി നാളിൽ കുന്നത്തൂർ ഗ്രാമപഞ്ചായത് പ്രസിഡന്റ് കുന്നത്തൂർ പ്രസാദ് ഭദ്രദീപം കൊളുത്തി നിർവഹിച്ചു.സാന്ത്വനം ട്രസ്റ്റ് പ്രസിഡന്റ് ആർ.എസ് .അനിൽകുമാറിന്റെ അധ്യക്ഷതയിൽ ചേർന്ന യോഗത്തിൽ സാന്ത്വനം വൈസ് പ്രസിഡന്റ് ആർ സുരേഷ്‌കുമാർ സ്വാഗതം പറഞ്ഞു.

സാന്ത്വനം സേവാപ്രവർത്തനങ്ങളുടെ ഭാഗമായി നിർധനരായ രോഗികൾക്കായുള്ള ചികിത്സ ധനസഹായ വിതരണം സാന്ത്വനം രക്ഷാധികാരി തുരുത്തിക്കര രാമകൃഷ്ണപിള്ളയും സാമ്പത്തികമായി പിന്നോക്കം നിൽക്കുന്ന വിദ്യാർത്ഥികൾക്കായുള്ള വിദ്യാഭ്യാസ ധനസഹായ വിതരണം സേവാഭാരതി വിഭാഗ് സംയോജകൻ വി. മുരളീധരനും നിർവഹിച്ചു. ഗ്രാമപഞ്ചായത് വാർഡ് മെമ്പർമാരായ കെ ജി. വസന്ത ,ശ്രീകല എസ്. ഓ. രേണുക എന്നിവരും മുൻ വാർഡ് മെമ്പർ ബാബുരാജ്,സീനിയർ മെഡിക്കൽ ഓഫീസർ ഡോ സുജ കെ. ജോൺ മെഡിക്കൽ ഓഫീസർ ഡോ ജയൻ കെ ഫിലിപ് എന്നിവർ ആശംസകൾ അർപ്പിച് സംസാരിച്ചു.പരിപാടികൾക്ക് ശേഷം കിടപ്പുരോഗികൾക്കും കൂട്ടിരിപ്പുകാർക്കുമുള്ള ഉച്ചഭക്ഷണം കുന്നത്തൂർ ഗ്രാമപ്പഞ്ചായത്തു അംഗം ഓ രേണുക വിതരണം ചെയ്തു. ഭക്ഷണവിതരണത്തിനു സെക്രട്ടറി സി ആർ അരവിന്ദാക്ഷൻ ,ധനേശൻ എന്നിവർ നേതൃത്വം നൽകി.